test test testff Слатка пиперка - Зачини за инспирација | Вегета Маестро
Сите зачини
Морско оревче
Рузмарин
Оригано
Копар
Кари
Мајчина душичка
Ѓумбир
Каранфилче
Лук
Куркума
Црн бибер
Босилoк
Чили
Димена пиперка
Каенски пипер
Слатка пиперка
Ким
Ловор
Магдонос
Цимет
ЗАЧИНИ ЗА ИНСПИРАЦИЈА
hero-decoration
Слатка пиперка
lat. Capsicum annuum

Зачинот се добива со мелење на исушениот зрел плод на различни видови на слатка пиперка. Тој доаѓа од областа околу Мексико во Јужна Америка, а во Европа го донеле шпанските морнари во 16-тиот век.

МАЛИ СОВЕТИ ЗА УПОТРЕБА
Слатката пиперка треба брзо да се искористи, најдобро во рок од 6 месеци, бидејќи во спротивно може да стане без вкус и нејзината боја нема да биде толку интензивна. Таа е најдобро да се чува на темно, ладно место, бидејќи на светлина зачинот ја губи својата препознатлива боја и арома. Затоа, купувајте слатка пиперка во вреќичка, а не во стаклена тегла за да ја заштитите од извор на светлина. Освен што на на јадењата им дава убава црвеникава боја,може да се користи како главен зачин во одредени јадења, како што се различни гулаши, чорби и паприкаш, како и маринади за месо. Ако слатката пиперка не ви одговара добро при подготовката на одредено јадење и сакате нешто малку поразлично, можете да ја измешате со лажичка лута пиперка за да го направите јадењето позачинето.
НАЈДОБРО ОДГОВАРА СО ОВА ЈАДЕЊЕ
Хумус со тиква
ОСТАНАТИ РЕЦЕПТИ
Топло и крцкаво пилешко
Наместо сос од манго, можете да подготвите сос гвкамоле и да си поиграте со вкусовите во комбинација со печеното пилешко.
Bидете рецепт

Состојки

  • 4 филети од пилешко (околу 500 г)
  • 1 лажичка Vegeta
  • 250 г пченкарни снегулки (мелен корнфлекс)
  • 4 лажици мелени бадеми
  • 4 лажици семе од сусам
  • 1 лажичка шеќер
  • 1 лажичка сладок пипери Vegeta Maestro
  • 4 јајца
  • 50 мл млеко
  • 1 лажичка сол
  • Мелен црн бибер Vegeta Maestro
  • 100 г меко брашно Podravka
  • Масло за пржење
  • 4 пченични тортиљи

Прелив со манго:

  • 100 г зрело манго (исечкано на коцкички)
  • 1 халапено пиперче (исечкано заедно со семките)
  • 1 лажица сок од лимета
  • 1 лажичка шеќер
  • 100 г мајонез
  • 100 г грчки јогурт
  • 1 лажица сечкан коријандер
  • 1 лук
  • Сол
  • Мелен црн бибер Vegeta Maestro
  • 400 г исечкани зелени салати (марула, зелка, рендан морков, рукола)

Подготовка

1. чекор

Исечете ги филетите од пилешко на стапчиња и зачинете со Vegeta.

2. чекор

Во блендер, ситно измелете го корнфлексот и измешајте го со бадеми и сусам, па додајте шеќер и црвен пипер.

3. чекор

Изматете ги заедно јајцата и млекото, зачинете со сол и бибер. Секое парче пилешко извалкајте го во брашно, а потоа натопете го во подготвените јајца и, на крајот, извалкајте ги во смесата со корнфлекс.

4. чекор

Во поширока тава, загрејте го маслото на средна топлина. Пржете го пилешкото до златножолта боја и извадете го на хартија која што ќе го апсорбира вишокот маснотии.

5. чекор

За преливот со манго, додајте чили пиперче, сок од лимета, шеќер и 2 лажици вода. Динстајте под капак додека не омекне мангото (10 минути).

6. чекор

Изладеното манго иситнете го во пире, па додадете мајонез, грчки јогурт, коријандер, иситнет лук, сол и мелен црн бибер. До употреба, преливот оставете го во фрижидер.

7. чекор

Загрејте ги тортиљите и оформете ги во форма на корнет. Прво ставете ја салатата, прженото пилешко над неа и прелијте со сосот со манго.

Послужување

Послужете веднаш.

Совет

Наместо сос од манго, можете да подготвите сос гвакамоле.
Печен лосос во сос од мед
Послужете го лососот во сос од мед и од лимон со варен зеленчук и уживајте во летната вечера.
Bидете рецепт

Состојки

  • 100 г мед
  • 2 лажици сок од лимон
  • 1 лажичка слатка мелена пиперка Podravka
  • 4 филети со лосос (околу 800 г)
  • 3 лажички Vegeta Natur универзал
  • 4 лажици маслиново масло
  • 4 чешниња лук
  • 1 лажичка црн мелен бибер Vegeta Maestro
  • 1 лимон

Подготовка

1. чекор

Измешајте мед, сок од лимон, слатка пиперка и Vegeta Natur универзал.

2. чекор

Исчистете, измијте го и протријте го лососот со две лажички од Vegeta Natur универзал и пржете го со две лажици загреано масло до златна боја.

3. чекор

Потоа превртете го, додајте го преостанатото масло, сечканиот лук и биберот и кратко пржете.

4. чекор

Извадете го лососот, а во тавата каде што се пржеше лососот, додајте ја подготвената мешавина од мед и лимон исечкан на кришки.

5. чекор

Накратко проварете го сосот.

Послужување

Измешајте го пржениот лосос со подготвен сос и сервирајте го со варен ориз и салата.

Совет

Печете го лососот со кожата свртена надолу. Лососот, исто така, може да го послужите со варен зеленчук (брокула, карфиол, моркови).
Пилешко во ароматичен сос
Послужете со варени њоки и салата и уживајте во печените ароматични залчиња.
Bидете рецепт

Состојки

  • 2 лажици маслиново масло
  • 2 лажици путер
  • 100 г кромид
  • 1 кг пилешко (батак, карабатак, крилца, гради)
  • 1 ќесичка Vegeta Natur за пилешко
  • 100 г зелени свежи пиперки
  • 100 г свежи домати
  • 1 лажичка слатка пиперка Vegeta Maestro
  • 100 мл слатка павлака
  • 1 лажичка остро брашно Podravka

Подготовка

1. чекор

На мешавина од маслиново масло и путер испржете го ситно исецканиот кромид додека не добие светложолта боја.

2. чекор

Парчињата пилешко зачинете ги со Vegeta Natur за пилешко и пржете ги од двете страни.

3. чекор

Додајте ги пиперките исечкани на резанки и доматите на коцкички.

4. чекор

Посипете со мелен бибер и покријте го садот со капа и оставете да се динста на тивок оган со повремено мешање и долевање на вода.

5. чекор

На крај додадете ја павлаката во која сте го измешале брашното и кратко гответе.

Послужување

Послужете со варени њоки и салата.

Совет

За да го подготвите ваков оброк - месо во фин сос, не заборавајте да ја отстраните кожата од пилешкото месо.

Tikvice u tankom tijestu

Recept stiže iz turske kuhinje, a jelo je toliko fino da se usuđujemo prognozirati: osvojit će vas. Nabavite li gotove listove tijesta za savijaču, znatno ćete skratiti proces pripreme. Dakle, prepreka za užitak u jelu nema.

А што велат нашите предци?

Во минатото, мажите честопати биле горди на своите фризури и бради, но поради тоа оние со „проблематична“ коса биле помалку среќни. Според легендата, тие користеле слатка пиперка за да го намалат опаѓањето на косата и да го стимулираат растот на косата и, наводно, ова функционирало.

Слатката пиперка често знаела да го најде своето место и за време на типичните женски дружења и им го зацрвенувала лицето на сите присутни. Имено, жените ја користеле во комбинација со мед како маска за лице, бидејќи тие тврдат дека ги подмладувала и им помагала во борбата против брчки и акни.

Традицијата на колење на животни на овие простори обично завршува со топење на преостанатото сало и производство на чварки. За овој важен настан некогаш се викале готвачи – експерти бидејќи свинската маст беше составен дел од секое домаќинство – неизоставен дел од менито беше кришка леб намачкана со свинска маст и наросена со сушен кромид, лук и црвена пиперка. Многу луѓе уживаат во овој деликатес дури и денес.

ИНТЕРЕСНИ ФАКТИ
Унгарците особено ја ценат слатката пиперка, па таа стана нивниот национален зачин со повеќе од 200 години историја. Тие разликуваат дури 6 различни видови на зачини од пиперка што се користат во традиционалните јадења гулаш и паприкаш.
Во времето на берење пиперки, беа поцрвенети цели села низ Унгарија, но и во Хрватска. Најчесто, наидуваме на многу пиперки што висат од прозорци или огради кои потоа се мелат за да се направи убав домашен зачин.
Многу малку луѓе знаат дека слатките пиперки имаат повеќе витамин Ц од портокалите, што ги прави еден од главните извори на овој витамин во исхраната.

Ја почитуваме вашата приватност

За да работи правилно нашата страница и постојано за да ги подобруваме нашите услуги, ние користиме колачиња. Во случај да сакате да ја оневозможите употребата на колачиња, некои делови од страната може да станат недостапни. Прочитајте ги деталите во Услови за користење.

Типови на колачиња: Технички, Маркетинг

Поставки